تتظبط و لا تتفوتر ؟؟؟؟؟؟؟؟؟؟؟

ازيكم النهارده

طبعامعظمنا شاف اعلانات الضرائب الجديدة ، و مع ان دم الممثل " محمد شومان " اللى بيعملها زى العسل

لكن ...........

مضمون تلك الاعلانات مستفز جدا فى رايي

يعنى لما يقولك فى آخر الاعلان بمنتهى البساطه " و كلها 20%" و هنا يقصد ان الضرائب هى 20% من صافى الربح للاعمال الحرة

لـــــــــــيه حد يفهمنى

هى مصلحة الضرايب داخاه شريك مع اصحاب المهن الحرة ، علشان تاخد خمس صافى الربح

انا ممكن اوافق على الرقم المبالغ فيه ده بشروط

ان مثلا اصحاب المشروعات دى يكونلهم اسعار خاصه مخفضه للمرافق ، " مياه و كهربا و تليفون ....... "

لكن يدفع مصروفات آآآآآآآآد كده و بعدين نقوله

ياللا يا شاطر هات خمس اللى كسبته

و الله دى دعوة صريحه للغش فى الحسابات و المغالطه فى الارقام الحقيقيه

نسيبنا من ال 20 %

خلينا فى موضوع الفوترة

بيقولك يا سيدى تاخد فاتورة من اصحاب المهن الحرة ، " الحلاق و الترزى و البقال و الخضرى و الفكهانى ......."

يعنى الراجل لما يبقى سارح بالبطيخ فى الشارع على عربيه يد

لما تروح تشترى تبقى تتاكد من سجله التجارى ، و رقم الحمار اللى بيشد العربيه فى المرور ، و تشوف شهاده الصحة

و بعد الاجراءات الامنية العنيفه دى ، بعد ما تشترى ما تكشيش من غير فاتوره ، و لو مرضيش يديلك فاتوره

علطول تنده على الراجل الفير بتاع الاعلان ، على طريقه جزر بتاعت اسماعيل يس

و تعمل للبياع محضر ، و تحرز البطيخ ، و تحاصر المنطقه ، و تسحب رخصه الحمار

ايه يا اخوانا هو احنا فى امريكا

ولا هو اى قانون بيطبق فى دوله ينفع يطبق فى دوله تانيه

بلدنا ما ينفعش فيها نظام الفوترة الحرة المباشرة ده

لا نكل بلد ليها ظروفها المختلفه عن الاخريات،

و كل شعب له اللى ينفعه و له اللى ما ينفعوش

يعنى مثلا

لما اروح مصلحه الضرايب آخد معايا الفواتير دى

و يقعد الموظف يقحصحا بدقه

: " نص كيلو طماطم بتاريخ 1/1 بسعر 2ج "

يقوم باصصلك : " احنا هنكدب التسعيرة فى سوق العبور 1ج بس انت هتنصب من اولها "

ايه ده انت حلقت مرتين الشهرده ، هو ياعم لسه حد بيحلق ب5 جنيه

يوووووووووه انت باين عيك هتتعبنى

ليه بس

انت جايب فاتورتين جبنه فى نفس اليوم ، لــــيــــــــــه ؟

شكلك بتزور فى الفواتير عشان تزود مصروفاتك و تقلل الضرايب

يا عسكرى ،

اقبض عليه ، و حرزوا الجبنه

اغلقوا الابواب ، و ارفعوا الكوبرى

ههههههههههههههههه

..........................................

و الآن عزيزى العميل

قصدى الصديق

ايه رأياااااااااااااك

تتظبط و لا تتفوتر ؟؟؟؟؟؟؟؟؟؟؟ Very Happy

ولا ده ولا ده يا تيتو طبعا انت معاك حق
ده مستحيل ينفع او يتم فى بلدنا
انا شايفه ان معاك حق فى كل اللى قلته وميرسى ع التوبيك الاجتماعى ده .
بس اقولك بصراحه انا استغربت ان مش فى اى ردود عليه مع انه موضوع مهم هو الكل بقى بيهرب من المشاكل ولا ايه ولا زهقوا منها وبيفضلوا يدفنوا دماغهم فى الرمل
وبرده معاهم حق ماهو الهم فى كل حته والمشكلات فى كل اتجاه فالكل بيحاول يشغل نفسه باى حاجه بعيده عن ده .

Jasmine كتب:: ولا ده ولا ده يا تيتو طبعا انت معاك حق
ده مستحيل ينفع او يتم فى بلدنا
انا شايفه ان معاك حق فى كل اللى قلته وميرسى ع التوبيك الاجتماعى ده .
بس اقولك بصراحه انا استغربت ان مش فى اى ردود عليه مع انه موضوع مهم هو الكل بقى بيهرب من المشاكل ولا ايه ولا زهقوا منها وبيفضلوا يدفنوا دماغهم فى الرمل
وبرده معاهم حق ماهو الهم فى كل حته والمشكلات فى كل اتجاه فالكل بيحاول يشغل نفسه باى حاجه بعيده عن ده .

بس اقولك بصراحه انا استغربت ان مش فى اى ردود عليه مع انه موضوع مهم هو الكل بقى بيهرب من المشاكل ولا ايه
هو فعلا الكل بيهرب منه
ميرسي يا جميل على الرد ويارب اللى بيهربو دول يعرف بالموضوع المهم دا ويتكلمو